2015 jylǵy 9 jeltoqsan, Astana qalasy
«Elektr jáne jylý jelilerin kúzetý, elektr jáne jylý jelileriniń kúzetý
aımaqtarynda jumys júrgizý qaǵıdalaryn bekitý týraly» Qazaqstan Respýblıkasy Energetıka mınıstriniń 2015 jylǵy 20 naýryzdaǵy № 231 buıryǵyna ózgeris pen tolyqtyrýlar engizý týraly
buıyramyn:
1. «Elektr jáne jylý jelilerin kúzetý, elektr jáne jylý jelileriniń kúzetý aımaqtarynda jumys júrgizý qaǵıdalaryn bekitý týraly» Qazaqstan Respýblıkasy Energetıka Mınıstriniń 2015 jylǵy 20 naýryzdaǵy № 231 buıryǵyna (Normatıvtik quqyqtyq aktilerdi memlekettik tirkeý tiziliminde №11011 bolyp tirkeldi, «Ádilet» aqparattyq-quqyqtyq júıesinde 2015 jylǵy 19 maýsymda jarııalandy) mynadaı ózgeris pen tolyqtyrýlar engizilsin:
kórsetilgen buıryqpen bekitilgen Elektr jáne jylý jelilerin kúzetý, elektr jáne jylý jelileriniń kúzetý aımaqtarynda jumys júrgizý qaǵıdalarynda:
2-taraý mynadaı mazmundaǵy 59-1, 59-2 jáne 59-3-tarmaqtarymen tolyqtyrylsyn:
«59-1. Joǵary kerneýi 6-dan 20 kV-ge deıin seksııalanǵan jáne taratýshy pýnktteri bar kishi stansııalaryna bólingen jer ýchaskeleriniń alańdary osy Qaǵıdalardyń 3-qosymshanyń 1-kestesinde keltirilgen shamalardan artyq bolmaıdy.
59-2. Joǵary kerneýi 35-ten 1150 kV-ge deıingi elektr qosylystarynyń (jıyntyqty qosa alǵanda) ár túrli shemalary bar kishi stansııalarǵa bólingen jer ýchaskeleriniń alańdary osy Qaǵıdalardyń 3-qosymshanyń 2-kestesi boıynsha ornatylady.
59-3. Osy Qaǵıdalardyń 3-qosymshasynyń 2-kestesinde keltirilgen ǵımarattyń quramyna jáne kishi stansııalardyń qurylystaryna sáıkes kelmeıtin ǵımarattar men qurylystardyń quramy bar (onyń ishinde taratýshy qurylǵylardyń uıashyqtary) shaǵyn stansııalarǵa bólingen jer ýchaskeleriniń alańdary 3-qosymshanyń 3-kestesinde keltirilgen shamaǵa ulǵaıtylady nemese azaıtylady.».
4-taraý alynyp tastalsyn.
2. Qazaqstan Respýblıkasy Energetıka mınıstrliginiń Elektr energetıkasy departamenti zańnamada belgilengen tártippen:
1) osy buıryqty Qazaqstan Respýblıkasynyń Ádilet mınıstrliginde memlekettik tirkeýdi;
2) osy buıryq Qazaqstan Respýblıkasynyń Ádilet mınıstrliginde memlekettik tirkelgeninen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq–quqyqtyq júıesinde resmı jarııalaýǵa jiberýdi;
3) osy buıryqty alǵan kúnnen bastap on kúntizbelik kún ishinde onyń kóshirmesin Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi;
4) osy buıryqty Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýdy;
5) osy buıryqty Qazaqstan Respýblıkasynyń Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2), 3) jáne 4) tarmaqshalarymen kózdelgen is-sharalardyń oryndalýy týraly málimetterdi berýdi qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Energetıka vıse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Energetıka mınıstriniń
mindetin atqarýshy M.MYRZAǴALIEV
«KELISILDI»
Qazaqstan Respýblıkasynyń Aýyl sharýashylyǵy
mınıstri ____________ A. Mamytbekov
2015 jylǵy 23 jeltoqsan
Buıryq Qazaqstan Respýblıkasynyń Ádilet mınıstrliginde 2016 jylǵy 26 qańtarda Normatıvtik quqyqtyq kesimderdi memlekettik tirkeýdiń tizilimine №12928 bolyp engizildi.